Wikipedia roa_tarawiki https://roa-tara.wikipedia.org/wiki/Pagene_Prengep%C3%A1le MediaWiki 1.44.0-wmf.5 first-letter Media Speciale Discussione Utente Discussioni utente Wikipedia Discussioni Wikipedia File Discussioni file MediaWiki Discussioni MediaWiki Template Discussioni template Aiuto Discussioni aiuto Categoria Discussioni categoria Portale 'Ngazzaminde d'u Portale TimedText TimedText talk Modulo Discussioni modulo 0 9644 150926 145409 2024-12-04T01:18:35Z InternetArchiveBot 10009 Rescuing 1 sources and tagging 0 as dead.) #IABot (v2.0.9.5 150926 wikitext text/x-wiki [[File:IFrogWWOZTalk14Aug06.jpg|thumb|300px|'U studie de 'na emittende radio]] 'A '''radio''' jè 'a diffusione de condenute [[suène|sonore]], fruibbele in [[timbe reale]] o cu 'nu breve retarde, a utinde situate in aree sciugrafeche predisposte da apposite [[rezze pe telecomunicaziune]] e dotate de specifece apparecchie elettrece o elettronece e, evendualmende, 'mbiande pe [[telecomunicaziune]]. Da 'nu punde de viste [[sociologgie|sociologgeche]] 'a radio jè une de le [[mass media|mezze de comunicazione de masse]] 'mbrà le cchiù diffuse e apprezzate, senze canoscere le 'ngazzaminde sus a 'u medium ca invece ingondre 'a telavisione. Da 'nu punde de viste [[tecnologgie|tecnologgeche]] jè invece 'n'applicazione de le telecomunicaziune. == 'A strutture == Essenzialmende le diverse emittende radiofoneche se dividene jndr'à doje gruppe: le radio generaliste, ca onne condenute e programme de diverse tipe e le [[emittende radiofoneche|radio]] temateche. 'Mbrà le radio temateche, onne canusciute 'nu successe straordinarie le radio temateche musecale, ca trasmettene [[museche]] de ogne tipe. Le radio temateche musecale, sonde le cchiù sendute da le utinde. Le radio se dividene pure in emittende radiofoneche naziunale, ce raggiungene 'a maggior parte d'u [[territorie]] de 'na [[nazione]] e in emittende radiofoneche locale, ce se limitescene a 'n'area circoscritte. In [[Itaglie]] se condane 'na decine de radio naziunale e cchiù o mene mille radio locale. Sta distinzione jè però in decline: infatte, partenne da 'a fine de le [[Anne 1990|anne novande]] le programme rafiofonece ponne essere trasmesse cu 'na qualità uguale o certe vote pure megghie, ausanne 'a [[rezze]] [[Indernette]] jndr'à tutte 'u [[munne]], a condizione naturalmende ca una adda tenè 'nu collegamende a [[Indernette]]. Jndr'à stu mode, 'nu sbuènne de radio locale ponne superà le confine d'a propria area circoscritte e allarià 'u proprie [[pubbleche]]. Ogne emittende radio tène 'nu proprie nome e 'n'[[editore]], ca ne cure 'u [[palinseste, mass media|palinseste]] e 'u [[ualanze]]. L'editore jè responsabbele de le ascolte, ca l'emittende riesce a raggiungere e jè st'urteme ca chiande l'obbiettive annuale. Generalmende le varie programme, sonde coordinate da une o cchiù [[speaker]], 'na figure ca cu l'ause esclusive d'a parole, cerche de indrattenè le spettature e de instaurà 'nu dialoghe immagginarie cu 'u pubbleche. Affianghe a 'u speaker, stè 'nu [[reggiste]], ca regole 'u suène e indervalle le parole d'u speaker, cu [[museche]] (ce jè 'na radio musecale), cu le intervende de otre crestiane o cu le [[pubblecetà|spot pubblecetarie]]. 'Nu sbuènne de radio, osce a die, pe indrattenè 'nu dialoghe maggiore cu 'u pubblehce, onne ideate servizie de dialoghe dirette cu le radioascoltature ausanne [[e-mail]] e [[SMS]], ca avènene lette e commendate in [[dirette]]. 'Nu sbuènne de emittende musecale, pò, onne previste, jndr'à 'nu spazie apposite a l'inderne d'u lore palinseste, ca le spettature prenotene 'na determinate [[Canzone, museche|canzone]], dedicannele a quacchedune. == Tecnologgie == {{'Ndruche pure|Radiofonie}} Seguenne le evoluziune tecnologgeche, 'a trasmissione radiofoneche ave adottate diverse forme: * Radio analoggeche classeche, angore osce a die prevalende. Le tecniche prengepàle de diffusione sonde [[Modulazione de ambiezze|AM]] e [[Modulazione de frequenze|FM]]. * 'U [[telavisione digitale terrestre|digitale terrestre]] e [[telavisione digitale satellitare|satellite]] pò essere ausate pe trasportà canale radio. * Tecnologgie digitale dedicate a 'a radio cumme [[Digital Audio Broadcasting]] e [[Digital Radio Mondiale|DRM]] * [[Web Radio]] * [[Radio satellitare]] === 'A nascite d'a radio === {{'Ndruche pure|Invenzione d'a radio|Cronologgie d'a radio}} L'invenzione d'a radio jè frutte de 'na serie de espereminde tenute a 'a fine d'u [[XIX sechele|Uettecinde]] ca demostravane 'a possibbeletà de trasmettere 'mbormaziune ausanne le [[onde elettromagneteche]]. 'U prima a riuscirce ha state [[Nikola Tesla]] jndr'à 'u [[1893]] jndr'à 'na conferenze pubbleche a [[Saint Louis, Missouri|St.Louis]], [[Missouri]]. L’apparate ca Tesla ausò condeneve tutte le eleminde ca erane ingorporate jndr'à le sisteme radio apprime d'u sviluppe d'a “valvola termoioneche”<ref>[http://www.ieee.org/web/aboutus/history_center/biography/tesla.html]</ref> pò [[Guglielmo Marconi]] ca jndr'à 'u [[1895]], a sole vendune anne, riuscì a trasmettere 'nu segnale in [[codece Morse]] a cchiù o mene doje chilometre de distanze da 'a ville de famigghie a [[Sasso Marconi|Pontecchio]] ([[Provinge de Bologne|Bologne]]) jndr'à 'u stesse anne però [[Nikola Tesla]] inviave signale distinte 'mbrà doje ponde distande cchiù o mene 50 km a [[West Point]] [[NY]]. Marconi condinuò a perfezionà l'invenzione, ca avenìe ribbattezzate 'u "[[radiotelegrafie|telegrafo senza file]]", none esitanne a assè pure da le [[confine]] [[Itaglie|tagliàne]]: 'u [[12 decemmre]] [[1901]] 'u scenziate riuscìe a trasmettere 'u prime segnale radiotelegrafeche transoceaneche, da Poldhu in [[Cornovaglie]] ([[Regne Aunìte]]) a St. John's in [[Terranova]] ([[Canada]]). Jndr'à 'u sciugne d'u [[1943]], però cinghe mise apprisse 'a morte de Nikola Tesla, 'na sentenze d'a [[Corte Suprema]] de le [[State Aunìte d'America]] attribbuì a Tesla 'a precedenze rispette a Marconi, d'u brevette base d'a radio.<ref>[http://laws.findlaw.com/us/320/1.html MARCONI WIRELESS T. CO. OF AMERICA v. U.S.]</ref> L'invenzione de Marocni tenève però 'nu limite: 'a difficoltà de trasmettere le [[suène]], ca avesse agevolate 'a diffusione a levèlle de [[Masse, sociologgie|masse]] d'u strumende nuève. 'U prime, ca riuscì jndr'à l'intente ha state 'u [[Canada|canadese]] [[Reginald Fessenden]]. 'U [[23 decemmre]] [[1900]] Fessenden riesce a trasmettere a cchiù o mene 'nu [[chilometre]] e mezze de distanze, 'nu messagge vocale breve: "Une, doje, ttrede, quattre, neviche addà addò state vuje signor Thiesen? Ce sine, vulite telegrafarme?". Avere nate 'a radio. L'enorme eco, ben pubblecezzate, de le trasmissiune de Marconi ha state tale ca, angore osce a die, l'inventore d'u mezze radiofoneche assaije spesse avène considerate Marconi e none Fessenden<ref>Televideo RAI d'u 6 ottommre 2004 "Gli ottant'anni della radio"</ref>. 'U [[24 decemmre]] [[1906]] Fessenden trasmette 'u prime programme radiofoneche d'a storie: parole e museche avenèrene sendute jndr'à 'u [[Ragge, sciumetrije|ragge]] de 25 km da 'a stazione trasmittende ca s'acchiave a Brant Rock sus a coste d'u [[Massachusetts]]. 'A radio ere pronde pe trasè jndr'à le [[case]] de tutte 'u [[munne]]. === 'U broadcasting === [[File:JP BBC.jpg|right|frame|[[John Peel]], storeche dj d'a [[BBC]]]] Jndr'à l'anne '20 accumenze a congretizzarse l'idèe de diffondere condenute sonore a le masse: nasce 'a radio cumme [[mass media|mezze de comunicazione de masse]]. 'U termine tecniche pe 'na tale diffusione jè 'u [[broadcast|broadcasting]], stu termine infatte indichesce 'na comunicazione unidirezionale da une verse assaije. In [[Gran Bretagne]] jndr'à 'u [[1919]] 'u [[Post Office]] congedìe 'na autorizzazzione temboranèe a 'a stazione [[Marconi]] de [[Chelmsford]] in Cornovaglie, ca 'u [[23 febbrare]] [[1920]] trasmettìe 'u prime regolare servizie radiofoneche d'a storie, pe dohe ore consecutive a 'u sciurne, pe 'nu periode de doje settimane. Apprisse ca avere vute 'u [[16 ottommre]] 1920 'na licenze de trasmissione ufficiale, 'a [[Westinghouse]] de [[Pittsburgh]] trasìe in servizie a partì da 'u [[2 novemmre]] 1920, trasmettenne cu 'u nome de [[KDKA]] da 'nu stabbilimende industriale de [[Washington, distrette de Columbia|Washington]]. Jndr'à picche timbe, 'a radio se deffunnìe in maniere accussì veloce ca jndr'à le [[State Aunìte d'America|State Aunìte]] ggià jndr'à 'u [[1922]] se cundavane 187 staziune, 'nu pubbleche in gran crescite e 'nu numere de riceviture funzionande ca a 'a fine de quidde anne vè arrive a 750.000. Jndr'à 'u 1921 avène funnate, in [[Gran Bretagne]] 'a cchiù andiche radio d'u munne tuttore esistende: 'a [[BBC]]. Jè 'a prima radicale innovazione jndr'à le comunicaziune de masse apprisse l'invenzione d'a [[Stambe, processe|stambe]] e canosce subbete 'nu successe granne assaije, soprattutte in [[Americhe]] e in [[Europe]]. Cumme sembre succede, 'a tecnologgie, 'na vote messe a punde, genere condenute nuève, linguagge, immagginarie e pure produtture e prodotte, consume e consumature. Jndr'à le prima decennie de vite le trasmissiune avvenene in [[modulazione de ambiezze]] (AM). 'A radio inizialmende se deffonne jndr'à 'u munne seconde doje modelle: 'nu modelle combletamende libbere affidate a l'iniziative private e ca se finanzie cu 'a pubblecetate e 'nu modelle monopolisteche affidate a 'u State e gestite cumme servizie pubbleche. 'U prime modelle se deffonne jndr'à le State Aunìte e addevende 'n'esembie in [[Americhe settentrionale]], 'u seconde modelle se deffonne jndr'à 'u Regne Aunìte e avène picchiate cumme 'n'esembie pe l'Europe. === 'U broadcasting in Itaglie === In Itaglie, ca sus a 'u piane tecnologgeche ere de fatte 'a patrie d'a radio, 'u strumende nuève canuscìe maggiore difficoltà a imborse. 'U radiotelegrafe avère state imbiegate in operaziune militare duranne 'a [[Prima Uerra Mundiale]] e 'na legge d'u [[1910]] ne proibbive l'ause a le civile. Se deve a [[Costanzo Ciano]], ministre de le poste jndr'à 'u prime [[guverne]] [[Benito Mussolini|Mussolini]], 'u quale intuenne l'enorme potenzialità d'a radio, favorì cu diverse provvedeminde legislative, 'a nscite d'a prime emittende tagliàne: l'[[Unione Radiofonica Italiana]] ca esordì 'u [[6 ottommre]] [[1924]], jndr'à 'na sale in Via[[Marije Cristine]] a [[Rome]], jndr'à le vicinanze de [[Chiazze d'u Popole]]. Jndr'à 'nu modeste appartamende de l'ammezzate, cu le parete e 'u soffitte cuperte de tende pesande pe attutì le rumore, 'a sere d'u 6 ottommre [[Marije Luisa Boncompagni]] avère date 'u prime annunge: A le 21, nnande a 'n'enorme microfone, dette a "catafalche", avère semblicemende ditte: "Unione Radiofonica Italiana, stazione di Roma Uno, trasmissione del concerto inaugurale". Avère seguite l'esecuzione de 'nu quartette d'arche: Opere 7 de [[Franz Joseph Haydn]]. <br /> Ha state pò trasmesse d'a museche scacchiate e spiccianne, 'a prima trasmissione se congludìe cu 'u bollettine [[meteorologgie|meteorologgeche]], 'a [[visazze]] e le notizie lette da [[Ines Donarelli]], combonende d'u quartette d'arche, annungiatrice 'mbrovvisate. Tutte cose durarene sulamende 'n'ora e mmenze. A le 22.30 le trasmissiune avenèvane sospese pe "fà repusà le valvole esauste". 'Nu decreto regio d'u [[1925]] stabbilìe, pe evità 'a nascite de emittende private, 'u [[monopolie]] assolute d'u [[State]] sus a le comunicaziune senza file e le presistende imbrese avenèrene 'ngorporate jndr'à l'URI. Jndr'à 'u scennare 1925 nascìe 'u [[Radiorario]], settimanale ufficiale de l'URI ca pubbleche le programme cu l'intente de propagandà 'u mezze nuève e jndr'à 'u condembe de canoscere megghie le guste e le opiniune de 'nu pubbleche angore da furmà. 'U [[27 novemmre]], l'URI accumenzave le comunicaziune regolare sue sciurnaliere. Comungue le coste ierte de le apparecchie (jndr'à l'Itaglie de le [[Anne 1920|anne vende]], une custave cchiù o mene 3.000 [[lira tagliàne|lire]] e 'u reddite medie annue non ge supranave le 1.000 lire ne limitave l'ause a le famigghie cchiù ricche. Jndr'à 'u [[1926]] traserene in funzione le doje staziune nuève de [[Napule]] e [[Meláne]]. A 'n'anne da 'a prima trasmissione, se cundavane sus a tutte 'u territorie nazionale, 26.855 utinde. 'A ricezione ingontrave angore notevole difficoltà e spesse accombagnavane l'ascolte boate, scoppiettii, sibili. Jndr'à 'u [[1930]] 'a costruzione de l'imbiande nuève de trasmissione de Roma-Sanda Palomba purtò 'nu nette miglioramende. Intande avèrene state inaugurate le staziune de [[Bolzano]], [[Genova]] e [[Torino]]. === Le anne '30: le prime successe === Jndr'à 'u scennare d'u [[1928]] l'URI addevende [[EIAR]] (Ente Italiano Audizioni Radiofoniche). Cu 'nu decrete, 'u [[fascisme]] stabbilisce ca l'imbormazione avèra essere gestite da l'[[agenzie Stefani]], l'organe de stambe ufficiale d'u reggime. Intande l'EIAR, canosce 'na granne diffusione popolare; accussì cumme accappe cu 'a telavisione quacche anne cchiù nnande, le crestiane nò putenne permetterse 'na radio jndr'à propria case se ne sceve a senderle jndr'à le [[bar]] e jndr'à le locale pubblece e 'a [[propagande]] fasciste favorìe 'a diffusione de altoparlande ca cullegate a le apparecchie trasmettevane le descurse d'u [[Duce]] jndr'à le chiazze de tutte 'u Paese. Cu 'u proggette "Radiorurale", jndr'à 'u [[1933]] 'a radio avène diffuse jndr'à tutte le scole d'[[Itaglie]] e premettìe a 'nu sbuènne de studinde, de approfondì 'a canoscenze d'a [[lènghe tagliàne]] ca a settand'anne da l'[[Aunità d'Itaglie]] ere angore scanusciute a 'a maggioranze de le tagliàne. Jndr'à 'u [[1930]], accumenzò cu 'a ccrejazione d'a concessionarie [[Sipra]] 'a trasmissione de le prime [[spot pubblecetarie]]. 'U successe d'a radio intande condinuave a crescere, grazie a 'a trasmissione de programme innovative e de granne gradimende popolare: jndr'à 'u [[1931]] avène diffuse 'a prime radiocronache de l'ingondre de [[Ballone, sport|ballone]] 'mbrà [[Itaglie]] e [[Ungherie]], a l'[[autunne]] d'u [[1934]] resale 'u prime trionfe d'a radio grazie a 'a riviste "[[I Quattro Moschettieri, programme radiofoneche|I quattro moschettieri]]" (prima pundate 13 ottommre), sus a teste de [[Jangele Nizza|Nizza]] e [[Riccardo Morbelli|Morbelli]]. Abbinate a 'nu congorse d'a case [[Perugina]], 'u programme scatenò 'a cacce a le figurine quotate pe premie. Jndr'à 'u [[1934]] se cundavane 900.000 ascoltature ma avveramende le ''radioamature'' erane chciù de uette miliune. Jndr'à 'u [[1935]], in occasione de l'[[Uerre de l'Etiopie|invasione tagliàne]] de l'[[Etiopie]], se deffunnìe 'u genere d'a radiocronache, ovvere 'a cronache in dirette da le luèche de battagghie e sus a l'andamende d'a [[uerre]].<br /> Jndr'à 'u [[1936]] da Rome-Prato Smeraldo avenìe avviate 'u prime trasmettitore a [[onde corte]] pe l'estere.<br /> Jndr'à 'u [[1938]] 'u numere de le abbonate raggiunge 'nu milione.<br /> Jndr'à 'u reste d'u munne, 'a radio se afferme definitivamende e jndr'à 'u [[1931]] avène funnate, sus a 'n'imbulse de [[Papa Pio XI]], [[Radio Vaticana]]. Le [[eleziune]] presidenziale americane d'u [[1932]], se caratterizzescene proprie pa presenze d'a radio ca trasmette e deffonne jndr'à le case americane le programme de le candidate da 'a viva vôscia lore. === 'A seconda uerre mundiale === 'U scoppie d'a [[seconda uerre mundiale]] e l'ingresse de l'[[Itaglie]] 'u [[10 sciugne]] [[1940]], favoriscene 'u lange definitive d'a radio ca ere a l'epoche 'u mezze cchiù putende e cchiù veloce, soprattutte pe le comunicaziune de uerre. Le difficoltà d'a uerre e le bombardaminde alleate rennene cchiù difficile le comunicaziune de l'EIAR e apprisse 'u [[8 settemmre]] [[1943]], 'u paese jèè scuasciate in doje. L'EIAR se trasferisce a [[Melane]] e da aqquà addevende 'a radio ufficiale d'a [[Repubbleche de Salò]] invece jndr'à l'Itaglie libberate nascene radio nuève: Radio Bari, Radio Napoli, Radio Roma. [[File:Radio Minerva Paradiso.jpg|thumb|right|'Na [[radio, elettroneche|radio]] de le urteme [[anne 1940|anne quarande]]]] Jndr'à le territorie occupate, invece se diffonde, pure ca stavane le tendative de interferenze da vanne de le tedesche, l'ascolte clandestine de le radio nemiche: [[Radio Mosca]], [[Radio Vaticana]] e soprattutte [[Radio Londra]] ca, ce pure erane proibbite pe legge e punite pure cu 'a morte, erane l'uneca fonde pe canoscere 'a verità sus a l'andamende d'a uerre. === Le anne '50: 'u periode d'ore d'a radio === Passate 'a uerre, avènene recostruite le imbiande de diffusione e 'a radio ca jndr'à 'u [[1949]] pigghie 'u nome de [[RAI]] (Radio Audizioni Italia) accumenze 'u periode d'ore sue: 'u prizze de le apparecchie scenne assaije proprie e 'a radio trase jndr'à le case d'a maggioranze de le tagliàne. Jndr'à 'u [[1951]] avène trasmesse in dirette 'a prime edizione d'u [[Festival de Sanremo]]. Jndr'à 'u 1951 'a riforme d'u sisteme radiofoneche stabbilisce 'a ccreazione de tre rezze: Nazionale, Secondo e Terzo e avène regolarizzate 'u radio-sciurnale ca seconde 'a legge adda essere imbarziale e a tale proposite avène istituite 'a [[commissione parlamendare de viggilanze]]. Jndr'à 'u [[1954]] l'avvende d'a [[telavisione]], spenge 'a radio a cercà nove strateggie pe reggere 'a congorrenze d'u strumende nuève. 'A radio avvie 'a programmaziona soje sciurnaliere e nottirne. L'invenzione de l'[[autoradio]] e de le [[transistor]], trasformescene 'a radio jndr'à 'n'oggette trasportabbele a tutte vanne e, jndr'à l'anne d'u [[boom economeche]] jedde addevende 'a colonna sonore d'u sienze nuève de libbertà ca se deffonne soprattutte 'mbrà le giuvane. Comungue pure cu 'u successe strepitose d'a [[telavisione|TV]], 'a radio riesce a reggere 'a congorrenze, grazie a 'a specializzazzione de le programme e a 'u radicamende sue jndr'à 'u costume popolare. === Le anne '60 e 'u Sessanduette === Jndr'à 'u [[1960]] stè 'a differenziazione jndr'à ttre canale pe accundendà 'nu nnumere sembre magigore de utinde: 'u Nazionale addevende 'u Primo e se dedichesce a l'imbormazione politeche e sociale, 'u Secondo apponde sus 'a [[prose]], sus 'a [[museche]] e sus a 'u [[varietà]] invece 'u Terzo addevende 'u canale culturale ma none troppe. Jndr'à 'u [[1966]] da 'u [[Pringipate de Monaco]] accemenzane le regolare trasmissiune de [[Radio Montecarlo]], 'a quale pò operà in Itaglie purcé 'a staziona soje se iacchie a l'estero. Nasce 'nu condenziose cu 'a quale 'a [[Rai]] decide de recorrere a 'u [[tribbunale]] ca dè raggione a l'aziende de state e costringe Radio Montecarlo a inderrombere le trasmissiune. 'A "nova aria" purtate da 'a [['u sessanduette|condestazione studendesche d'u 1968]] invade pure 'a radio: cange 'u pubbleche e se affermane nove genere. 'Nu programme manifeste de stu periode jè "Chiamate Roma 3131", ttre ore de trasmissione quotidiane in dirette telefoneche cu le ascoltature. 'U programme nasce 'u [[7 scennare]] [[1969]] e jè 'nu successe strepitose, ca arrive a tuccà pure punde de dece miliune de ascoltature. 'U conduscene [[Giuanne Boncompagni]], [[Franghe Moccagatta]] e [[Federica Taddei]]. === Le anne '70: le radio libbere e 'a crisi d'a RAI === Jndr'à 'u [[1973]] parte 'u fortunate esperimende de le "Interviste Impossibili" jndr'à le quale le maggiore [[indellettuale]] tagliàne immagginane de 'ngondrà celebre personagge d'u passate: une de le esembie cchiù celebre jè l'inderviste ca [[Umberto Eco]] face a 'n'immagginarie [[Beatrice]]. Jndr'à 'u [[1976]] 'u monopolie d'a [[RAI]] (cumme già avère avvenute cu 'a telavisione jndr'à 'u [[1974]]) sus a radiodiffusione avène infrande da 'a sentenze 20'2 d'a [[Corte costituzionale d'a Repubbleche Tagliàne|Corte Costituzionale]]: {{quote|...dichiara l'illegittimità costituzionale degli artt. 1, 2 e 45 della legge 14 aprile 1975, n. 103 (nuove norme in materia di diffusione radiofonica e televisiva) nella parte in cui non sono consentiti, previa autorizzazione statale e nei sensi di cui in motivazione, l'installazione e l'esercizio di impianti di diffusione radiofonica e televisiva via etere di portata non eccedente l'ambito locale.}} Jndr'à 'u corse d'a stessa sendenze se dè atte ca le emittende già attive in Itaglie sonde cchiù o mene 400. Se tratte de le accussìdette "radio pirate" ca pò avènene chiamate "radio libbere", 'nu fenomene tipeche de le [[Anne 1970|anne settande]]. 'U numere de le [[emittende radiofoneche|radio]] libbere, pure grazie a 'a manganze de [[legge]] a riguarde, jndr'à l'anne successive cresce assaije proprie, 'u lore numere passe da cchiù o mene 150 d'u 1975 a 2.800 d'u [[1978]]. 'A radio libbere jè 'na emittende de dimenziune piccenne sie in termine de [[tudie radiofoneche]], [[andenne]], de trasmissione, ca coste de gestione, in grade de cuprì 'n'area de 'nu picche de [[chilometre quadrate]], spesse inderne a 'na cetate. De solite trasmettene in [[modulazione de frequenze]] (FM), 'na [[tecnologgie]] fine a allore picche sfruttate, ca garandisce 'na qualità cchiù elevate. 'A radio libbere nasce e se sviluppe cu intente diverse: trasmettere [[museche]] indipendende e dediche, notiziarie locale, programme demenziale, idee politeche. Trasmettene 'a museche ribbelle de le [[Anni 1970|anne settande]], snobbate da 'a RAI e conguistane soprattutte 'u [[uagnune|pubbleche giovanile]]. Le radio libbere condrebbuischene a rinnovà radicalmende 'nu [[settore]] ingessate, grazie pure a idee nuove, a programme origgenale e certe vote pure strampalati. Le prime radio libbere onne tipicamende 'na connotazione poloiteche de [[sinistre]], ma tande nascene semblicemende da 'a voglie de aggregazione e de langiarse de 'nu sbuènne de uagnune. Certe vote, 'nu sbuènne de ste radio, trasmettevane le programme in soluziune economeche de fortune: 'a [[Rome|romane]] [[RDS]], pe esembie, avère 'u studie sue jndr'à 'na [[soffitte]], 'a prima emissione de [[Radio Gemini One]] de Torino avenìe jndr'à 'nu garage, ma 'u case cchiù ecclatande jè quidde d'a [[Bologne|bolognese]] [[Radio Alice]]. Cchiù nnande nascerene otre radio a connotazione tipicamende [[releggione|releggiose]], cumme [[Radio Maria]]. Arrecurdame 'mbrà le radio ca nascene jndr'à st'anne: [[Radio Milano International]] (poi [[Radio 101]]) ([[1975]]) destinate a divendà 'a prima granne rezze private [[nazione|nazionale]]; [[GBR, Radio|GBR]] ([[1975]]) pure jedde de granne diffusione e a le quale se aggiungìe 'na TV; [[Radio Radicale]] ([[1976]]) assaije seguite pu condenute politeche-'mbormative; [[Radio Popolare]] ([[1976]]) nate a Melane cumme radio de 'mbormazione; [[Radio 105|Radio Studio 105]] (da 'u [[1995]] [[Radio 105]]); da [[Rome]] [[Radio Dimensione Suono]]; da [[Bologne]] [[Radio Lattemiele]] e [[Radio Alice]]. A seguite d'a libberalizzazzione 'a RAI accumenze 'nu processe de ristruttturazione inderne pe adeguarse a le nove esigenze d'u pubbleche e pe affrondà 'a concorrenze. Comungue 'u decline de le ascolte jè davvere pesande. === Le anne '80: da le radio libbere a le radio private === Jndr'à l'anne ottande d'u Novecinde aumende 'a professionalità de le condutture radiofoneche, 'a qualità de le programme, le dimenziune de le studie. Quistte avviene de pare passe cu l'aumende de le guadagne pubblecetarie, dovute a 'mbortanze de le radio pure in termine de ascolte. Se parle allore none cchiù de radio libbere ma de [[radio private]]. Jndr'à 'u [[1981]] [[Claudio Cecchetto]] rileve Radio Music e fonne a [[Melane]] [[Radio Deejay]] destinate a imborse sus a 'u mercate nazionale cumme l'emittende cchiù seguite d'Itaglie. Nasce pure [[Radio Italia]] e [[Radio Italia Network]]. Jndr'à 'u [[1982]] 'a [[Rai]] lange doje canale nuève: [[RaiStereoUno]] e [[RaiStereoDue]] sus a frequenze nove [[Modulazione de frequenze|FM]] e 'na riforme strutturale decise favorisce 'na modernizzazzione de le stile e 'n'adeguamende a le timbe d'u modelle de le radio private. Jndr'à 'u [[1988]] cu 'a riforme d'u servizie radio-televisive pubbleche, le rezze radiofoneche RAI rinungiane a inseguì 'a congorrenze private in termine de ascolte e pundane sus 'a qualità, trasformannese in programme de approfonnemende e indrattenimende leggere. Jndr'à 'u stesse anne nasce [[Audiradio]] ca aunisce 'a [[RAI]], 'a Sipra e otre organizzazziune d'u settore cu l'obbiettive de effettuà indaggene periodeche a levèlle nazionale pa rilevazione de l'ascolte radiofoneche. === Le anne '90: 'a trasute in scene de le network naziunale === Jndr'à l'[[Anne 1990|anne novande]] se diffonde 'a formule d'u ''network'' a 'u quale se adeguane le prengepàle emittende. Condemboraneamende se assiste a 'a scombarse de 'nu sbuènne de radio cchiù piccenne. Nascene jndr'à st'anne [[Radio Capital]] ([[1995]]) e [[Radio 24]] ([[1999]]) 'a prima radio tagliàne ''all-news'' e jè ppure 'a prima rezze legate a 'nu [[quotidiane]], il [[Sole 24 Ore]]. Jndr'à prima metà de le anne '90 se reggistre 'nu cale de ascolte pa radio e tanda crestiane penzane ca pu cchiù andiche de le mass media ste arrive 'a fine. In effette 'a congorrenze cu 'a telavisione se rileve perdende e 'u pubbleche jè in forte cale. 'A fiddusione de [[Indernette]] e 'a nascite de le [[web radio]] a 'a fine de le anne novande rilange però straordinariamende 'a radio dannele linfa nove e 'na nova sociologgie. Jedde jè infatte 'u megghie mezze ca se pò collegà cu 'u strumende nuève e 'nu sbuènne de emittende se pigghiane 'nu site web. === 'U 2000: 'a radio arretorne a l'andiche splendore === Da 'u [[2000]] se deffonne, avveramende senze troppa convinzione, 'a tecnologgia nove [[Digital_Audio_Broadcasting|DAB]] (Digital Audio Broadcasting) ca lange 'a nove "radio d'u dojemile". 'U DAB garandisce 'na qualità de l'ascolte pare a quedde de 'nu [[Compact disc|CD]], prevede l'imbieghe de trasmettiture terrestre (DAB-T) e satellitare (DAB-S), e semblice andenne none direzionale pa ricezione. Affianghe a 'u DAB, ca, cumme ditte, non ge ave 'nu granne successe (purcé no se iacchie 'nu vere valore aggiunde a l'utende d'a modulazione de frequenze), avène diffuse pure 'u [[Digital_Radio_Mondiale|DRM]], conziderate de qualità megghie e se sperimende 'a tecnologgie FMeXtra (ca prevede 'a trasmissione simultanèe de 'nu pacchette diggitale aunitamende a quidde analoggeche in FM). ==== In Itaglie ==== Jndr'à l'[[Anne 2000|anne dojemile]] 'a radio, pure quedda tradizionale, canosce in Itaglie 'nu successe straordinarie cu ascolte ierte ierte, cumme non ge se vedevane da anne, favorite, forse, pure da 'u condemboranèe cale de le [[telavisione|spettature televisive]], cumme pare confermà 'nu sondagge d'u [[2004]], ca rivelave ca cchià d'u 45% de le tagliàne, dichiare de preferì 'a radio a 'a [[telavisione]]<ref>Televideo d'u 6 ottommre 2004 "Gli ottant'anni della radio"</ref>. 'A radio soprattutte quedda musecale, se demostre in grade de condizionà le guste d'u pubbleche, assaije de cchiù d'u previste, cu le proprie programmazziune. Ma pure 'a radio generaliste e soprattutte 'a [[RAI]] arretorne a le trionfe d'u passate: programme cumme ''"[[Il ruggito del coniglio]]"'', ''"[[Zapping]]"'' e soprattutte ''"[[Viva Radio2]]"'', addò le [[satire|comice]] [[Fiorello]] e [[Marche Baldini]] ca propongone sketch e imitaziune de granne spessore, riesce a riscuotere ascolte record jndr'à storie d'a radio tagliàne. Ma 'u successe d'a radio apprisse 'u 2000, jè dovute pure a l'evoluzione de Indernette (web 2.0) ca addevende quase 'nu stuèzze indissolubbele de stu mezze. == Elenghe de le emittende radiofoneche == {{'Ndruche pure|:Category:Emittende radiofoneche}} {{'Ndruche pure|Emittende radiofoneche 'ndernaziunale in lènghe tagliàne}} == Sentenze d'a Corte Costituzionale == *[http://it.wikisource.org/wiki/Sentenza_della_Corte_Costituzionale_n.59/1960 Sentenza n.59 d'u 1960] Infondate le questiune de costituzionalità purcé l'etere tollere 'nu numere ridotte de canale *[http://www.giurcost.org/decisioni/1974/0225s-74.html Sentenza n. 225 d'u 1974] Parziale illegittimità de le norme "postale", ma sostanziale legittimità d'u monopolie via etere *[http://www.giurcost.org/decisioni/1974/0226s-74.html Sentenza n. 226 d'u 1974] Illegittimità d'u monopolie via cavo e quindi libberalizzazziona soje *[http://www.giurcost.org/decisioni/1976/0001s-76.html Sentenza n. ..1 d'u 1976] Manifestamende infondate le imbugnative *[http://www.giurcost.org/decisioni/1976/0202s-76.html Sentenza n. 202 d'u 1976] non ge pò essere invocate 'a limitatezze de le frequenze pe quidde ca riguarde le trasmissiune locale == Bibliografije == *[https://web.archive.org/web/20080418165204/http://www.garzantilibri.it/default.php?page=visu_libro&CPID=1863 Peppino Ortoleva e Barbara Scaramucci (a cura di), "Enciclopedia della Radio", Garzanti, Meláne, 2003] *[https://web.archive.org/web/20090627191127/http://www.minervaedizioni.com/catalogo/showquestion.asp?fldAuto=318&cat=40 Giovanni Cordoni, Peppino Ortoleva, Nicoletta Verna, "Radio FM 1976-2006. Trent'anni di libertà d'antenna", Minerva, Bologne, 2006] *[http://www.inforadio.ch/contenuti/index.php?option=com_content&task=view&id=159&Itemid=37 Giovanni Cordoni, Peppino Ortoleva, Nicoletta Verna,"Le onde del futuro. Presente e tendenze della radio in Italia", Costa & Nolan, Meláne, 2006] *[https://web.archive.org/web/20090627183655/http://www.planetmedia.it/planeteditore.htm Massimo Lualdi, “Aspetti giuridici delle interferenze in Modulazione di Frequenza tra Stati confinanti (Italia – Svizzera)"] *[https://web.archive.org/web/20060427110009/http://www.planetmedia.it/tfml.htm Massimo Lualdi, "Le radio locali: un'esperienza comunicativa per il pubblico giovanile (1975-77)"] *[http://www.planetmedia.it/cmptbz.pdf Vito Scelsi, "La tutela costituzionale del diritto all'informazione - Le compatibilizzazioni radioelettriche"] *[[Frangische Monico]], Il Dramma Televisivo - l'autore e l'estetica del mezzo, 2006, Meltemi, [[Rome]]. *[[Franghe Monteleone]], "Storia della radio e della televisione in Italia. Un secolo di costume, società e politica. Nuova edizione aggiornata" , [[Marsilio Editori|Marsilio]], [[Venezia]], [[2003]], ISBN 8831772309 *[[Amedeo Benedetti]], ''Il comportamento radiofonico'', Genova, Reggione Liguria, 1996. *[[Amedeo Benedetti]], "La comunicazione radiofonica", in ''Agenda della Comunicazione 2004'', Genova, Aba Comunicazione, 2004, pp. 366-378. *[[Paolo Lunghi]], [https://web.archive.org/web/20100310083655/http://www.viaetere.net/ trent'anni di Radio Libere] - Febbrare 2007 - Edizioni Ibiskos-Ulivieri *[https://web.archive.org/web/20090628122729/http://www.newslinet.it/shownews.php?nid=2506&h=il%20concetto%20giuridico%20di%20ambito%20locale Massimo Lualdi, "Il concetto giuridico di ambito locale alla luce dell'evoluzione tecnologica"] == Note == <references/> == 'Ndruche pure == * [[Serial radiofoneche]] * [[Radiodramme]] * [[Radiofilm]] * [[RAI]] * [[Radiofonije]] * [[Radio, elettroneche]] * [[Podcasting]] * [[Ponde radio]] * [[Radio Londra]] * [[Streaming]] * [[Normativa d'a radiotelavisione terrestre]] == Collegaminde fore a Uicchipèdie == * [http://www.ininternet.org/radio.htm Elenghe de le Staziune Radio in Itaglie] * [http://www.musicaememoria.com/elenco_delle_radio_libere_attive.htm Elenghe radio jndr'à 'u 1976] * [https://web.archive.org/web/20071021183014/http://www.cnit.it/images/catalogo.pdf L’AVVENTURA DELLA RADIO, Un viaggio nella storia, scienza e arte delle Telecomunicazioni "Collezione Patanè"] * [https://web.archive.org/web/20171018002602/http://www.radiomarconi.com/marconi/storia_radio.html Origgene e sviluppe d'a radiofonije in Itaglie 1919-2003] *[https://web.archive.org/web/20130723065806/http://www2.agcom.it/L_naz/dl177_05.htm Teste uneche d'a Radiotelevisione] * [http://www.guglielmomarconi.com La radio nel tempo e nello spazio"] - Site dedicate a 'a Radio e a 'a granne personalità de Guglielmo Marconi * [https://web.archive.org/web/20100124035544/http://www.romaradio.eu/ 'U presende e 'u passate d'a FM romane] * [http://www.televideo.rai.it/televideo/pub/pagina.jsp?p=540&s=1&r=Nazionale&idmenumain=2&pagetocall=pagina.jsp&x=8&y=10 'A guide a le programme d'a radio sus a Televidio RAI] [[Category:Tecnologgije e scienze applecáte]] [[Category:Pàggene ca avessera stà in Uicchipèdie]] ishup06sx8xy2t5dyynzs5upvjxrrrd